आचकन् मचकन् मल्याला
आचकन् मचकन् मल्याला
पानी जाऊं दे दंडाला ।।
पानी जाऊं दे दंडाला
नाखवाचे होरक्याला ।। धृ० ।।
आचकन् मचकन् कलीचा मोगरा
फुलैला मोगरा शेंड्यावर केवरा
वाजवू रे दादा बरवी किनारी
नाचू गो लागल्या कोलनीच्या पोरी
आचकन् मचकन् मल्याला
पानी जाऊं दे दंडाला ।। १ ।।
बाजारी आयली नेसून सारी
हलूच डोला नाखवाला मारी
कुलाब्याची दांडी दांडीवर बत्ती
दर्यान् परतंय उजेर वरती
आचकन् मचकन् मल्याला
पानी जाऊं दे दंडाला ।। २ ।।
कोंबरा करतंय कुकूचकू
कोंबरा करतंय कुकूचकू
मांडवान् उभी हाय बायकू ।। धृ ।।
तिला सजविले मुंडवल्याशी
वाशिंग बांधलय गो माथ्याशी
बाजा वाजतंय गो दाराशी
गर्दीन् तिला कशी निरखू
मांडवान् उभी हाय बायकू ।। १ ।।
कोंबरा करतंय कुकूचकू
दाटी झायली गो पावन्यांची
घटका भरली गो लग्नाची
झाली धावपल करवाल्यांची
जमल्या सखू ठकू
मांडवान् उभी हाय बायकू ।। २ ।।
कोंबरा करतंय कुकूचकू
हात बायकूचा मिनी धरला
सात भोवरी जोरा फिरला
चावूल आमचेवरी परला
बाजा बोलं धाकटूमाकू
मांडवान् उभी हाय बायकू ।। ३ ।।
कोंबरा करतंय कुकूचकू
आपलाच,
आमोद पाटील.
आगरी बाणा.
कोणत्याही टिप्पण्‍या नाहीत:
टिप्पणी पोस्ट करा